Arrisku-indizea:

Baso-sute arriskuaren meteorologia-indize hori Kanadako Fire Weather Index (FWI) indizearen tokiko egokitzapenean oinarrituta dago. FWI Europan gehien erabiltzen den indizeetako bat da. Indize horrek balio bakarrean biltzen ditu haizeak, hezetasunak eta prezipitazioak baso-erregaiaren hedapen- eta su-baldintzetan duten eragina.

Eusko Jaurlaritzako Segurtasun Sailaren baso-sute arriskuaren abisu, alerta eta alarmen sisteman, indize horien balioaz gain, egoera-parametroak eta inpaktuaren aurreikuspenaren aldagaiak ere kontuan hartzen dira.

Mapa honek ez du adierazten mendian erreketa kontrolatuak edo barbakoak egitea baimendua dagoenik. Ez ahaztu jarduera horiek Foru Aldundi bakoitzak arautzen dituela eta jarduera horiek egiteko beharrezkoa dela dagokion baimena izatea.