Euskalmet | Euskal Meteorologia Agentzia

GAUR
Larunbata 12
BIHAR
Igandea 13
ETZI
Astelehena 14

Larunbata erdi mailako hodei eta goi hodeiekin hasiko dugu, baina goizak aurrera egin ahala desagertzera egingo dute. Goizean goiz kostaldean behe-hodeiak izango ditugu, baina hauek ere goizeko lehen orduetan gutxitu egingo dira eta orokorrean egun eguzkitsua izango dugu. Arratsaldetik aurrera bero-hodeiak gara daitezke, baina apenas egingo duen euria. Ekialdeko eta ipar-ekialdeko haizea ibiliko da, indar gutxirekin. Tenperaturak gora egingo du eta balio altuenek 25 ºC-ak gaindituko dituzte.

Minimoak eta maximoak

Temperaturas minimas y maximas para Euskadi
	MIN	MAX
Donostia/San Sebastián	15º	24º
Bilbao	15º	25º
Vitoria-Gasteiz	10º	28º
Arrasate/Mondragón	13º	28º
Laguardia	13º	29º
Pamplona/Iruña	14º	32º
Baiona	16º	25º

Igandean bero egingo du eta tenperatura maximoak 30 ºC-tik gora igoko dira. Egunaren hasieratik zerua oskarbi egongo da eta giro eguzkitsua izango dugu. Arratsaldetik aurrera, hala ere, bero-hodeiak agertu eta egunaren amaieran trumoi-ekaitzak leher daitezke, batez ere mendebaldean eta Nafarroa hegoaldean. Ekialdeko eta hego-ekialdeko haizea nagusituko da, baina orokorrean indar gutxirekin ibiliko da. Goizaldeko tenperaturak ere pixka bat igoko dira.

Minimoak eta maximoak

Temperaturas minimas y maximas para Euskadi
	MIN	MAX
Donostia/San Sebastián	17º	31º
Bilbao	19º	34º
Vitoria-Gasteiz	14º	33º
Arrasate/Mondragón	16º	34º
Laguardia	16º	34º
Pamplona/Iruña	16º	36º
Baiona	18º	32º

Astelehenean ezegonkortasuna nabarmen areagotuko da. Goiza lasaia izango da eta nahiz eta zeruan hodeiak tartekatuko diren giro eguzkitsua izango dugu. Arratsaldean, aldiz, hodeiak ugaritu egingo dira eta trumoi-ekaitzak edozein lekutan jo dezake, zenbait lekutan zaparradak handiak izan daitezke eta txingorra bota dezake. Kostaldean mendebaldeko haizea ibiliko da eta giroa asko freskatuko du, balio altuenek ez dituzte 25 ºC-ak gaindituko. Gainerako lekuetan tenperaturaren beherakada apalagoa izango da eta tenperatura maximoak 30 ºC-koak izango dira.