Lurraren goi-atmosferako eskualdea da (200 km-ko altueran); magnetosferan kargaturik dauden partikulak lurraren eremu magnetikoak eraentzen ditu, batez ere. Eguzkiari begira dagoen aldean, 57.000 km-taraino hedatzen da (Lurraren 10 erradioraino) eta kontrako aldean, ehundaka erradioraino hedatuko da ziurrenik. Egitura hori Eguzkiak kanpoaldera igortzen duen haizearen ondorio da; protoiz eta elektroiz osaturiko haize horrek dakarren indarrarekin Eguzkitik gertuen dagoen aldean Lurraren inguruko magnestosferako geruzak erabat zanpatuta geratzen dira.