Eguneko intsolazioa neurtzeko erabiltzen den tresna.
Campbell-Stokes-en heliografoa kristalezko esfera batek osatzen du; esfera horrek lente hurbiltzaile bat bailitzan, eguzkiaren izpiak, esferaren kanpoko aldetik doan zilindroerdi baten modura bilduriko kartulina batean kontzentratzen ditu. Horrela jarrita, eguzkiak jotzen duen orduetan lenteak lupa batek bezala jokatzen du, eta kartulina gainean erretako eremu bat erregistratzen du; eremu horren luzerak eta posizioak neurtutako aldi horretan zenbat eguzki-ordu izan diren adieraziko du.

Kartulinak orduak adierazten dituzten linea batzuk ditu marrazturik, eta horri esker zuzenean jakin daiteke zenbat iraun duen intsolazioak.