Hodei txuri eta arina, zuntz itxuran edo zirrinta estutan banaturik ageri dena; 6.000 eta 10.000 m arteko altitudean sortu ohi dira; izotzezko-kristal txikik osatzen dute, eta oso barreiaturik egoten direnez, eguzki-argia igarotzen uzten dute. Bi zirru mota daude: zirrokumuluak (Cirrocumulus - Cc) eta zirrostratuak (Cirrostratus - Cs).

Zirrokumulua: Hodei zuri altua, itzal berezirik gabea; 6.000 m-tik 10.000 m-rako altitudean izotzezko kristalek osaturiko generoa; osagaiek nahiko forma erregularrak sortzen dituzte, ingerada nahiko garbien barruan. Eskuarki, fronte bero batetik etorri ohi da.
Zirrostratua: Hodei altua, kolore zurikoa, izotzezko kristal txikiz osatua, 6.000 m eta 10.000 m arteko altitudean sortzen da; hodei-genero horrek itxura lisoko errezel zurixka bat eratzen du, eta zerua guztiz edo partez estaltzen du.