Eguraldia

Igande hasieran eguraldiak ildo beretik jarraituko du; hegoaldeko haizea gogor ibiliko da eta zerua tarteka hodeitsu egongo da, erdi mailako hodeiekin eta goi-hodeiekin. Goizean eguraldia aldatu egingo da; hego-haizeak ahultzera egingo du eta mendebaldera edo ipar-mendebaldera aldatuz joango da, kostaldean lehenago. Hodeiak ugaritu egingo dira orduan eta ipar-mendebaldeko zenbait lekutan euritara joko du. Eguerditik aurrera giroa goibela eta euritsua izango da, batez ere iparraldean; kostaldean ekaitzak jo dezake. Arratsalde-gau partean tenperatura nabarmen jaitsiko da eta eguneko minimoak azken orduetan neurtuko dira; elur-kota 1300-1500 metrora egongo da orduan.