Eguraldia

Larunbataren lehenengo partean eguraldiak ildo beretik jarraituko du. Isurialde atlantikoan zaparrada txiki-ertainak botako ditu eta hegoaldean noizbehinka euri txikia egingo du. Giro freskoa, tenperatura maximoak gradu pare bat igo daitezke, batez ere barnealdean. Mendebaldeko edo ipar-mendebaldeko haize bizia, bolada oso gogor batzuekin kostaldean; arratsaldean han indartu egingo da. Arratsaldean barnealdean atertzera egin dezake, ez ordea iparraldean, egunaren amaieran han zaparrada handiak eta trumoitsuak bota ditzake.